اسلام آباد 26 ستمبر (اے پي پي) خارجه وزير شاه محمود قريشي د امريكې ډېره كاميابه دوره ترسره كړه چرته چې ده د ملګرو ملتونو د عمومي اسمبلۍ په 76مه غونډه كښې ګډون وكړو. د اتوار په ورځ په دې لړ كښې په جاري شوې خبرپاڼه ك ښې وئيلي شوي دي چې د خارجه وزير شاه محمود قريشي د امريكې دوره په سفارتي لحاظ ډېره مهمه ګرځول كېږي په كومه كښې چې ده مهمو شخصياتو سره ملاقاتونه وكړل او د افغانستان صورتحال پشمول ئې په سيمه ايزو او نړيوالو چارو د پاكستان نظر په بشپړه توګه وړاندې كړو. خارجه وزير مخدوم شاه محمود قريشي د ستمبر په 20مه نېټه د ملګرو ملتونو د عمومي اسمبلۍ په 76مه غونډه كښې ګډون لپاره نيويارك ته رسېدلے و. خارجه وزير د ملګرو ملتونو د عمومي اسمبلۍ د 76مې غونډې د پرانستې په دستوره كښې ګډون وكړو. خارجه وزير په كونسل آن فارن ريلېشنز كښې د خاص مېلمه په توګه ګډون وكړو او د پاكستان او امريكې د اړيكو او د افغانستان د صورتحال پشمول ئې په سيمه ايزو او نړيوالو چارو د پاكستان نظر وړاندې كړو. خارجه وزير د نړيوالې مېډيا نمائندګانو سره خبرې وكړې او په بېلا بېلو چارو ئې د پاكستان دريځ وړاندې كړو. خارجه وزير د امريكې خارجه وزير انتوني بلنكن سره ملاقات وكړو. په دې ملاقات كښې په دوه اړخيزه اړيكو، د افغانستان په صورتحال او د شريكې خوښې په چارو خبرې وشوې. د امريكې خارجه وزير د انخلا په عمل كښې د پاكستان د كردار ستائنه وكړه. خارجه وزير د اروپائي اېتلاف د خارجه اړيكو او سلامتيا مشر بورېل جوزف سره هم ليدنه وكړه او ورسره ئې په دوه اړخيزه اړيكو او د ستراتېژيكي شركت پشمول په مهمو چارو خبرې وكړې. خارجه وزير د عمومي اسمبلۍ د غونډې په مهال د كشمير په اړه د او آئي سي رابطه ډلې په غونډه كښې ګډون وكړو او هغه ئې په كشمير كښې د بشري حقونو څخه د روانو او د نړيوالو قوانينو څخه د سرغړونو په اړه د پاكستان د اندېښنې نه خبره كړه. خارجه وزير افغانستان لپاره د امريكې ځانګړي استازي زلمي خليل زاد، د نړيوال رېډكراس كمېټې صدر پېټر مور او د ملګرو ملتونو د كډوالو هائي كمشنر فليپو ګرانډي سره ملاقاتونه وكړل او د نړيوالې ټولنې پام ئې په افغانستان كښې د راپېدا كېدونكې انساني الميې په پلو راوګرځولو. خارجه وزير د سعودي، قطر، تركيې، مصر، انډونېزيا، پرتګال، بېلجيئم، آئرلېنډ، سويډن، ناروے، سلووينيا، رومانيه، آسټريا، فن لېنډ، جاپان پشمول د بېلا بېلو هېوادونو خارجه وزيرانو سره ملاقاتونه وكړل. خارجه وزير په ټي آر ټي ورلډ، نيويارك ټائمز، الجزيره او اېسوسي اېټډ پرېس سره په مهمو سيمه ايزو او نړيوالو چارو د پاكستان دريځ وړاندې كړو. خارجه وزير فارن پرېس اېسوسي اېشن سره ورچوئل خبرې وكړې. خارجه وزير په نيويارك كښې پاكستانې امرېكن ټولنې ته وېنا وكړه. خارجه وزير په ډي 8 فورم كښې ګډون وكړو او فورم ته ئې وېنا وكړه. خارجه وزير اتفاق لپاره په اتحاد فورم كښې ګډون وكړو او فورم ته ئې وېنا وكړه. خارجه وزير د اوبو وسيلو او د ماحولياتي بدلون په اړه ورچوئل فورم ته وېنا وكړه. خارجه وزير په نيويارك كښې د پاكستانې مېډيا نمائندګانو سره خبرې وكړې او هغه ئې د افغانستان رامخې ته كېدونكي صورتحال پشمول په مهمو چارو د پاكستان د دريځ څخه خبر كړل. خارجه وزير د پاكستان نمائندګي كولو سره د ملګرو ملتونو د عمومي اسمبلۍ 76مې غونډې ته د وزيراعظم عمران خان د وډيو خطاب په موقع د عمومي اسمبلۍ په هال كښې موجود و.
خارجه وزير شاه محمود قريشي د امريكې ډېره كاميابه دوره ترسره كړه
مضمون کا ماخذ : الوہا کلسٹر ادائیگی کرتا ہے۔
متعلقہ مضامین
