اسلام آباد 08 نومبر (اے پي پي) وزيراعظم محمد شهباز شريف چيف جسټس آف پاکستان جسټس عمر عطا بنديال ته په پخواني وزيراعظم عمران خان د ډزو د پېښې حقائق معلومولو لپاره جوډيشل کمېشن جوړولو لپاره دوېمه چيټۍ ليكلې ده ۔ د وزيراعظم آفس ميډيا ونګ لخوا د جاري بيان له مخې وزيراعظم محمد شهباز شريف لخوا چيف جسټس ته په ليكلي شوي خط كښې استدعا شوې چې د سپريم کورټ په ټولو ججانو مشتمل كمېشن دې جوړ كړے شي٬ كمېشن په پنځو سوالونو په خاص توګه غور كولې شي٬ د قافلې د حفاظت ذمه وار د قانون نافذ كوونكې كومې ادارې وې ؟ د قافلې حفاظت لپاره رائج حفاظتي اقدامات او سټينډرډ آپريټنګ پروسيجرز (ايس او پيز) لاګو كړے شوي ؟ او آيا په دې عمل شوے؟، د پېښې خپل حقائق څه دي؟، د يو نه د زياتو شوټرز د موجودګۍ اطلاع٬ ځوابي ډزې٬ په مجموعي توګه په نخښه كړے شوو كسانو شمېره٬ د دې زخمونو د نوعيت پحقله حقائق څه دي؟ وزيراعظم په خط كښې ليكلي دي د دې تحقيقات هم ضرورت دے چې آيا قانون نافذ كوٶنكو ادارو او انتظامي چارواكو د تفتيشن رائج طريقه كار اختيار كړے؟ وزيراعظم په چيټۍ كښې ليكلي د پېښې نه پس ادارو او انتظامي چاوراكو شهادتونه جمع كړي او د صورتحال مخنيوي لپاره ئې رائج طريقه كار خپل كړے؟، كه داسې نه وي شوې نو د ضآبطې څه خامۍ او كمزورۍ رامخې ته شوي؟ وزيراعظم شهباز شريف چيف جسټس پاکستان ته په خط كښې ليكلي دي چې د ضابطې د بې غورۍ ذمه وار كوم انتظامي چارواكي٬ قانون نافذ كوٶنكې ادارې او د صوبائي حكومت عهدېدار ګرځولے شوي؟ آيا د پېښې تحقيقات په عمل كښې قصداً خنډان راولاړولې شي نو دا عناصر څوك دي؟ او داسې ولې كوي؟، آيا دا قاتلانه سازش ٶ چې مقصد ئې واقعي د تحريك انصاف چيئرمېن قتلول ٶ يا يواځې د يو كس اقدام ٶ؟، په دې دواړو صورتونو كښې د كوم يو هم ذمه وار عناصر څوك دي؟ وزيراعظم په چيټۍ كښې ليكلي دي د قانون د حكمرانۍ په مفاد كښې په دې درخواست په عمل كولو به وفاقي حکومت د سپريم کورټ مشکور وي، دې مقصد له په ترلاسه كولو كښې به زه وفاقي حكومت د كمېشن بشپړه معاونت كوي ٬ وزير آباد كښې د عمران خان په جلوس د ډزو افسوسناكې پېښې څخه په هېواد كښې هيجاني كيفيت او د امن او امان بحران رامخې ته شوے٬ د تحريك انصاف مشران زهريله وېناګانې كوي٬ تشدد هلې ګولې څخه رياست اړي ګړي او د وګړو ځان او مال خطر سره مخ دے٬ پاكستان او نړيواله ميډيا د دې كورېج كوي۔ وزيراعظم په چيټۍ كښې ليكلي دي چې 72 ساعته تېرېدو نه پس هم اېف آئي آر نه دے شوے٬ د تحريك انصاف ماتحت د پنجاب حكومت د بده مرغه په تحقيقات كښې دا قانوني تقاضې په خاطر كښې نه دي ساتلې په كومو چې په داسې پېښو كښې عمل كېږي٬ د افسوس خبره دا ده چې كرائم سين نه دې محفوظ كړے شوے، په كوم کنټينر چې دا پېښه شوې٬ خلق ژوبل شوي٬ ھغه هم فرانزك لپاره په ولقه كښې نه دې اخستلے شوے، د تحريك انصاف چيئرمېن ميډيكلو ليګل رپورټ هم نه دې شوے، عمران خان يو نجي ورغتون ته منتقل كړے شوے كوم چې د قانون له مخې د ميډيكلو ليګل پروسيجر نه دے، د پېښې نه پس چې كوم طريقه كار خپل كړے شوے په ھغه شك دے٬ د پنجاب حکومت او د دې ذمه وار د شهادتونو سره چل ول كولې شي، د تحقيقات او شهادتونو جمع كولو رائج طريقه كار نه خپلول د بدديانتي څرګندونه ده۔ وزيراعظم په چيټۍ كښې ليكلي دي وفاقي حكومت په دې لر كښې د وړاندې نه صوبائي انتظاميه د خپلو سختو تحفظاتو نه خبر كړې، د پنجاب او خېبرپښتونخوا د حكومتونو په سرپرستۍ كښې شرخوښي نجي او سركاري ودانۍ٬ ګورنر هاٶس٬ پنجاب او نورو ځايونو كښې پرتشدد بريدونه كوي٬ د رياستي ادارو په خاص توګه د وسله الو ځواكونو په ضد كردار كشۍ او د بې بنسټه تورونو ناوړه كمپائن چلېږي۔ وزيراعظم په چېټۍ كښې ليكلي دي په وسله والو ځواكونو وفاقي حكومت سره په ګډه د سازش تورونه لګولې كېږي، د سمو حقائقو تعين او د اولس د اعتماد په خاطر وفاقي حكومت دا رائے لري چې د سپريم كورټ كمېشن جوړول ضروري دي، د سپريم کورټ کمېشن دې د ذمه وارو تعين وكړي، اصل حقائق دې رامخې ته كري٬ سپريم كورټ عمر له د آئين سرلوړۍ او د قانون حكمرانۍ كښې كليدي كردار لوبولے دے۔ وزيراعظم په چيټۍ كښې موجوده حالات امن عامه او د پاکستان رياستي سلامتيا لپاره سنګين خطر ګڼلي٬ په دې حالاتو كښې وفاقي حكومت درخواست كوي چې د سپريم کورټ په ټولو ججانو مشتمل جوډيشنل كمېشن دې جوړ كړے شي
وزيراعظم شهباز شريف چيف جسټس ته په عمران خان د ډزو د پېښې تحقيقات لپاره د جوډيشل كمېشن جوړولو لپاره دوېمه چيټۍ وليكله
مضمون کا ماخذ : کمپیوٹر لاٹری انعامات
متعلقہ مضامین
