نيويارك 18 مئي (اے پي پي)پاكستان او امريكا معيشت٬سرمايه كارۍ او د منطقې سلامتيا په څانګو كښې دوه اړخيزه اړيكو قوي كولو ته صلاح شوي۔دا اتفاق د خارجه وزير بلاول بهټو زرداري او د هعغه د امريكائي هم منصب انټوني بلنكن سره د شورو په ورځ نيويارك كښې په ګلوبل فوډ سېكورټي كال فار ايكشن سرخط وزارتي مشرتابه غونډه او د سلامتي كونسل د نړيوال امن او سلامتيا۔شخړو او فوډ سېكورټي په سرخط د بحث په موقع ملاقات كښې راغلې۔دواړو خارجه وزيرانو ترمينځه دا په دوهم ځل خبرې اترې دي٬د دې نه وړاندې بلاول بهټو زرداري د چوكۍ سنبهالولو نه پس ده سره په شپږم مئي ټېليفوني خبرې كړی وې۔د ملاقات نه وړاندې مېډيا ته د امريكې خارجه وزير ووئيل دا يوه مهمه موقع ده چې مونږ په ډېرو مسائلو خبره وكړو په كومو چې مونږ په ګډه كار كوو۔ده ووئيل مونږ دغې خبرې ته پام لرنه كول غواړو كومه چې مونږ د امريكې او پاكستان ترمينځه اقتصادي او تجارتي اړيكو قوي كولو لپاره كوو۔باوري ده چې سيمه ايزې سلامتيا ته پام لرنه كوو۔ده ووئيل پاكستان اوس د جي 77 مشري كوي او امريكا د جي 77 هېوادونو سره خپلې اړيكې قوي كولو او خبرو اترو ته منتظر دے۔ده ووئيل مونږ په دې حقله خارجه وزير بلاول بهټو زرداري سره به خبرې كوو۔د امريكې خارجه وزير ووئيل زمونږ د يوبل سره د ليدلو كتلو دا وړومبۍ موقع ده٬مونږ د دې نه وړاندې په ټېليفون خبرې كړي وې ۔مونږ د پاكستان خارجه وزير او حكومت سره په ګډه كار كولو خوشحاله يو۔انټوني بلنكن په غونډه كښې ګډون او د خوراك عدم تحفظ مسائلو مخ نيوي له په كوټلو ګامونو غور كولو او په ګرده نړۍ كښې د ضرورت مندو مرستې لپاره د پاكستان مننه وكړه۔په دې مهال خارجه وزير بلاول بهټو زرداري ووئيل پاكستان امريكې سره خبرې اترې غواړي د كومو مقصد چې د امريكې سرمايه كارو لپاره په پاكستان كښې د سرمايه كارۍ سره د پاكستان سوداګرو او د امريكې كاروباري كسانو ترمينځه په ګډه د كار كولو موقعې راپیدا كول دي۔ده ووئيل زه د پاكستان او امريكې اړيكې زياتولو٬د امريكې انتظاميې سره د كار كولو پشمول د پاكستان او امريكې تجارتي اړيكې لا ښه كولو موقعو ته په طمعه يم۔ده ووئيل د فوډ سېكورټي په حقله غونډه ډېره خوشبينه ده او پاكستان د فوډ سېكورټي په نړيوالو چارو كښې د شاملېدو منتظر دے۔بلاول بهټو زرداري ووئيل اوسنو جغرافيائي سياسي پېښو صورتحال له پیچلے كړے٬د پاكستان غوندې هېوادونه د وړاندې نه د غذائي تحفظ٬اوبو او د توان د حفاظت چېلنجونو سره مخ دي ٬دغسې زمونږ په ګاونډ كښې د موسمياتي بدلونونو غوندې ګڼې مسئلې موجود دي
خارجه وزير بلاول بهټو زرداري او د هغه د امريكې هم منصب انټوني بلنكن د ګڼ اړخيزه پاك امريكا اړيكو قوي كولو ته صلاح شول
مضمون کا ماخذ : پاکستان لاٹری ٹکٹ
متعلقہ مضامین
