اسلام آباد 04 اکتوبر (اے پي پي) وزيراعظم محمد شهباز شريف وئيلي دي عمران خان په مخ د زمكه زيات دروغژن سړے دے څوك چې د اقتدار څخه د محرومۍ نه پس په ټولنه كښې د كركې زهر خپروي، د عمران خان په دروغو او ټګۍ آډانه پاليسيو د هېواد معيشت تباه كړے ۔٬ د ملګرو ملتونو عمومي اسمبلۍ كښې د غونډې په موقع نړيوالو مشرانو د عمران خان په اړه د خيالاتو په اورېدو حېران شوے يم ٬ ھغه دوست هېوادونو سره اړيكو ته د كوم سبب نه غېر زيان رسولے٬ نومبر كښې به چين ته ځم۔ د برتانيې ورځپانې “دي ګارډين” سره خپله مركه كښې وزيراعظم شهباز شريف ووئيل عمران خان د خپلې ذاتي اېجنډې لپاره د كرپشن خاتمه خپل منشور ګرځولے خو ھغه د پاكستان د تاريخ تر ټولو زيات تجربه نه لرونكے٬ خودپسند٬ انا پرست او ناپخته سياست مدار ثابت شوے۔ ده ووئيل ليك شوې آډيوز څخه د دې خبري تصديق كېږي چې عمران خان مخ په زمكه تر ټولو زيات دروغژن كس دے ٬ ده ووئېل زه دا خبره زه په خوشحالۍ نه كوم بلكې دا مونږ لپاره د شرم او تشويش سبب ده ځكه چې د عمران خان د ذاتي ايجنډې او مقاصدو لپاره وئيلي دروغ زمونږ د هېواد تشخص ته زيان رسولے۔ وزيراعظم ووئيل عمران خان له به د خپلو ټولو مجرمانه اقداماتو ځواب وركول وي۔ وزيراعظم ووئيل زه د دې نه وړاندې كله هم د هېواد سباٶن لپاره دومره پرېشانه نه ووم٬ عمران خان په ټولنه كښې دومره كركه او زهر خپاره كړي كوم چې د دې نه وړاندې نه وٶ٬ ده ووئېل ھغه حقائق ناسم وړاندې كوي او په ټولنه كښې كركه خپروي۔ وزيراعظم د پاکستان نورو هېوادونو سره د اړيكو بيا جوړولو په اړه د خپلو هلو ځلو ذكر كولو سره ووئيل زه د ملګرو ملتونو د عمومي اسمبلۍ غونډې په موقع ھغه وخت حېران پاتې شوم كله چې يو شمېر نړيوالو مشرانو د ملاقات په مهال د عمران خان د رويې ذكر وكړو، ځينې مشرانو زه د عمران خان د شخصيت پحقله په ذاتي توګه خبر كړم چې عمران خان د ناشائسته رويې وړ٬ دروغژن او خود پسند سړے ٶ۔ شهباز شريف ووئيل عمران خان امريکې سره د پاکستان اړيكو ته د جواز نه غېر زيان رسولے۔ ده واضح كړه چې زه به د پاكستان چين سره نزدې اړيكې بيا ښې كوم كومو ته چې د عمران خان لخوا د سي پېك ايسارولو له امله زيان رسولے۔ وزيراعظم د دې منصوبې د جاري ساتلو د عزم څرګندونه كولو سره ووئيل زه به په نومبر كښې چين ته ځم چې د پاكستان زيان آزمائيلے شوے دوست دے۔ ده ووئيل سي پېك نه يواځې پاكستان بلكې د بشپړه منطقې بهترۍ لپاره يوه ښه منصوبه ده۔ وزيراعظم د مسلم ليګ (ن) مشر نوازشريف سره په حکومتي چارو كښې د مشاورت پحقله د يوې پوښتنې په ځواب ووئيل نواز شريف زما لارښود او مشر ورور دے او زه ھغوي سره مشوره كوم خو ما له ھغوي د پرېكړې كولو بشپړ اختيار راكړے ٬ د كورني سياست پحقله د عمران خان تنقيد مسترد كولو سره د يوې پوښتنې په ځواب ده ووئيل دا د كورني سياست معامله نه ده بلكې دا د اهليت٫ اولسي ملاتړ او د اولس د باور خبره ده
د عمران خان په دروغو او ټګۍ آډانه پاليسيو د هېواد معيشت تباه كړے ٬ ھغه د اقتدار څخه د محرومۍ نه پس په ټولنه كښې د نفرت زهر خپروي۔ د وزيراعظم شهباز شريف “دي ګارډين” سره مركه
مضمون کا ماخذ : اسکریچ کارڈز کی جیت
متعلقہ مضامین
